Në 22 vjetorin e rënies së Bahri Fazliut, Valon Murati e ka kujtuar veprën e tij.
“Përpjekjet për liri asnjëherë nuk i ndali, shpresa për forcën e popullit asnjëherë nuk iu zbeh, besimin në fitore e kishte të palëkundur. I pakompromis ndaj pushtuesit, debatues i zjarrtë e i thellë në funksion të së mirës, demaskues me penë e pushkë i politikës pacifiste që kishte ngulfatur përpjekjet për liri gjatë viteve 90’, i dashuruar në njeriun dhe anën e tij të mire”, ka shkruar ai.
Postimi i plotë:
Sa i mungon vendit e kombit edhe sot shok!
Sot u bën 22 vjet prej që në betejë me pushtuesin shkoi në amshim Bahri Fazliu-Gzimi, njëri prej ideologëve të politikës së luftës çlirimtare në Kosovë, aktivisti, luftëtari i lirisë, poeti, artisti, e mbi të gjitha njeriu i madh. Përpjekjet për liri asnjëherë nuk i ndali, shpresa për forcën e popullit asnjëherë nuk iu zbeh, besimin në fitore e kishte të palëkundur. I pakompromis ndaj pushtuesit, debatues i zjarrtë e i thellë në funksion të së mirës, demaskues me penë e pushkë i politikës pacifiste që kishte ngulfatur përpjekjet për liri gjatë viteve 90’, i dashuruar në njeriun dhe anën e tij të mirë. Që në rini aktivist në LPRK, më pas me krijimin e LKÇK-së në vitin 1993 do të jetë ndër udhëheqësit e saj e edhe të organit Çlirimi. Rreth pesë vjet ilegal në Prishtinë e kudo në Kosovë, çdo herë në funksion të drejtësisë, barazisë, çlirimit, lirisë e bashkimit kombëtar. Disa ditë të ndan nga marrëveshja historike e 11 majit 1998 në mes të LKÇK-së dhe UÇK-së. Na le keq shok kur re në trekufirin shqiptar, e le keq organizimin e luftën çlirimtare, por edhe na frymëzove e u bëre yll shndritës për luftëtarët e lirisë. Sa i nevojshëm do ishe edhe sot. Vendi e kombi kanë nevojë gjithmonë për ty e për shokët e kalibrit tënd. Pusho i qetë në rininë tënde të përjetshme shok i dashur.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite